فشار بالجبنة الشيدر

الفيشار بيحبه الصغار والكبار بس المرة دي مختلف لانه فيشار بالجبنة الشيدر وطريقته سهلة جدا وسريعة جدا

الوقت :

وقت التحضير : 5 دقائق

وقت الطهي : 5 دقائق

الوقت الكلى : 10 دقائق

عدد الاشخاص :4
الادوات المستخدمه :

حلة

وعاء زجاجي كبير

معلقة

المقادير

• 2 معلقة كبيرة زبدة
• 1 كوب جبنة شيدر
• 1 كوب ذرة فشار
• 1 معلقة كبيرة زيت عباد شمس
• 1 رشة ملح

الخطوات

1. توضع حلة علي النار بها الزيت ورشة الملح.
2. نقوم بإختبار سخونة الزيت بوضع 4 او 5 حبوب من الذرة لمعرفة اذا كان الزيت سخن بالقدر الكافي لوضع باقي الذرة في الحلة.
3. عند التأكد من سخونة الزيت وفرقعة حبوب الذرة نضع باقي الذرة في الحلة وتغطي بإناء.
4. وعندما نسمع صوت الطرقعة نبدأ في رج الحلة كويس حتي تتحول كل حبوب الذرة الي فيشار.
5. يوضع الفيشار في اناء غويط و نضع عليه معلقتين الزبدة و الجبنة الشيدر المبشورة اللي هتسيح لان الفيشار سخن ونقلبهم كويس وبالهنا والشفا.