محشي الكوسة بالفريك

جددي سفرتك في رمضان وتعلمي طريقة محشي الكوسة بالفريك

الوقت :

وقت التحضير : 15 دقيقة

وقت الطهي : 45 دقيقة

الوقت الكلى : 1 ساعة

عدد الاشخاص :6
الادوات المستخدمه :

حلة

سكينة حامية

طبق مسطح

المقادير

• 600 جرام لحمة مفرومة (معصجة)
• 3 عدد بطاطس (مقطعة حلقات)
• 3 لتر مرق اللحم
• 2 معلقة كبيرة سمن
• 2 كوب فريك
• 2 معلقة صغيرة بهارات لحمة
• 2 كوب زبادي (لعمل الصلصة)
• 1 معلقة صغيرة فص ثوم مهروس (لعمل الصلصة)
• 1 كيلو كوسة
• 1 معلقة صغيرة فلفل اسود مطحون
• 1 معلقة صغيرة ملح
• 1 معلقة صغيرة نعناع مجفف (لعمل الصلصة)

مقادير تعصيج اللحمة المفرومة

• 2 معلقة كبيرة سمن (أو زيت)
• 1 عدد فص ثوم (مفروم)
• 1 معلقة صغيرة بهارات لحمة
• 1 معلقة صغيرة فلفل اسود مطحون
• 1 معلقة صغيرة ملح
• 1 عدد بصلة
• ½ كيلو لحمة مفرومة

الخطوات

1. هنقور الكوسة ونفرغها ونغسلها كويس جدا.
2. فى حلة على النار هندوب السمن ونقلب فيه الفريك حوالى 3 دقائق, وبعدين هنضيف لتر من المرقة والملح والفلفل ويترك على النار لمدة 30 دقيقة وبعدها يترك جانبا ليبرد قليلا.

3. هنضيف اللحمة المعصجة والبهارات حسب الرغبة ونقلبها كويس مع الفريك.

   1. هنقطع البصلة مكعبات صغيرة.
   2. فى حلة على نار متوسطة هنضيف معلقتين سمنة ونضيف البصل ونقلبه كويس لحد ما يتحول للون الذهبى.
   3. هنضيف فص الثوم المفروم ونقلب كويس.
   4. هنوطى النار ونضيف اللحمة ونفتتها كويس بمعلقة خشب.
   5. هنضيف البهارات و الملح و الفلفل ونقلب كويس لحد ما اللحمة يبقى لونها بنى فاتح.
   6. هنسيب اللحمة على نار هادية وهنقلبها كل شوية لحد ما تنزل ميتها وتشربها تانى.

4. هنحشى الكوسة بالفريك, وفى حلة هنرص شرائح البطاطس وفوقيها الكوسة المحشية.
5. هنضيف المرقة بحيث تغطى الكوسة ونغطى الحلة كويس.
6. هنسيب الحلة على نار متوسطة لمدة 20 دقيقة، وبعد كده هنصفى المرقة وهنقدم الكوسة مع سلطة الزبادى.. بالهنا والشفا.