فاهيتا الدجاج

وصفة فاهيتا الدجاج الأصلية من المطبخ المكسيكى

الوقت :

وقت التحضير : 15 دقيقة

وقت الطهي : 15 دقيقة

الوقت الكلى : 30 دقيقة

عدد الاشخاص :4
الادوات المستخدمه :

طاسة غويطة

المقادير

• 4 عدد عود خس
• 4 معلقة كبيرة زيت زيتون
• 4 عدد صدور دجاج مخلية (مقطعة شرائح)
• 2 معلقة كبيرة مشروم (مقطع شرائح رفيعة)
• 2 معلقة كبيرة تشيلى صوص
• 2 عدد طماطم
• 1 معلقة صغيرة ملح
• 1 معلقة صغيرة كمون
• 1 عدد بصلة (مقطعة شرائح رفيعة)
• 1 عدد ليمونة (معصورة)
• 1 عدد فلفل أصفر حلو (مقطع شرائح رفيعة)
• 1 عدد فلفل أحمر حلو (مقطع شرائح رفيعة)
• ½ معلقة صغيرة فلفل اسود مطحون

الخطوات

1. هنتبل شرائح الدجاج بالتشيلى صوص وزيت الزيتون والكمون والملح والفلفل والليمون ونسيبها فى الثلاجة على الأقل ساعتين والأفضل تبات فى التتبيلة.
2. فى طاسة على النار هنضيف شوية زيت حوالى 3 معالق ونضيف عليهم البصل والفلفل الألوان ونقلبهم كويس لمدة دقيقتين.
3. هنضيف شرائح المشروم ونستمر فى التقليب لمدة 5 دقائق.
4. هنضيف شرائح صدور الفراخ بالتتبيلة بتاعتها وهنقلبها من حين لآخر لمدة ربع ساعة لحد ما الفراخ تستوى.
5. هنقدم الفاهيتا فى خبز التورتيلا مع شرائح خس وطماطم وبالهنا والشفا..