المطبخ الأوروبىالمطبخ التركي
شيش طاووق على الطريقة التركية
الشيش طاووق من أجمل مشويات المطبخ التركى وبيتميز بطعمه اللذيذ وسعراته المناسبة للدايت وحرق الدهون.
الوقت :
وقت التحضير : 25 دقيقة وقت الطهي : 20 دقيقة الوقت الكلى : 45 دقيقة عدد الاشخاص :5
الادوات المستخدمه :سكينة حامية خلاط صينية
المقادير
- 8 عدد فص ثوم
- 6 عدد صدور دجاج مخلية
- 4 معلقة كبيرة لبن رايب
- 2 معلقة كبيرة بهارات دجاج (مشكلة)
- 2 عدد قرن فلفل حامى
- 2 معلقة كبيرة صلصة طماطم
- 1 معلقة كبيرة مستردة
- 1 معلقة صغيرة زعتر (مطحون)
- ¾ كوب عصير ليمون
- ½ كوب زيت زيتون
- ¼ معلقة صغيرة فلفل اسود مطحون
- ¼ كوب خل
الخطوات
- هنقطع صدور الدجاج إلى مكعبات صغيرة.
- فى الخلاط هنضيف المسطردة والثوم واللبن الرايب وزيت الزيتون وعصير الليمون والخل والتوابل والبهارات والفلفل الأخضر والزعتر والصلصة ونخلطهم كويس.
- بعد كده هنضيف الخلطة لعلبة بغطاء وننقع فيها مكعبات الدجاج وهنبيتها فى الثلاجة قبل الشوى بيوم.
- بعد كده هنسيخ الدجاج فى أعواد خشبية أو معدنية وهنشويها على صاجة أو على الفحم لحد ما تتحول للون الذهبى. وبكده تبقى جاهزة للتقديم بالهنا والشفا.
