شعرية بالدجاج

شعرية محمرة بقطع الدجاج و الفلفل الالوان و الذرة الحلو

الوقت :

وقت التحضير : 1 ساعة

وقت الطهي : 1 ساعة

الوقت الكلى : 2 ساعتين

عدد الاشخاص :6
الادوات المستخدمه :

طاسة غويطة

معلقة خشب

حلة

سكين

مصفاة

المقادير

• 6 معلقة كبيرة زيت ذرة
• 4 كوب ماء
• 3 عدد بصلة
• 3 معلقة كبيرة خل
• 3 عدد ورق لورا
• 1 كوب حبات ذرة (حلوة)
• 1 كيس شعرية (400 جرام)
• 1 عدد فلفل أحمر حلو
• 1 رشة قرفة
• 1 معلقة صغيرة فلفل اسود مطحون
• 1 عدد دجاجة كاملة
• 1 معلقة صغيرة ملح
• 1 عدد فلفل أصفر حلو
• 1 عدد فلفل أخضر حلو
• 1 عدد عصير ليمون

الخطوات

1. هنغسل الدجاجة كويس بالخل والماء.
2. هنقطع بصله مكعبات و نحطها فى الحله مع الدجاجة على النار مع التقليب لمدة دقيقتين. و بعدين هنرمى البصله و هنشطف الدجاجة و الحله.
3. هنحط ماء فى الحله و نسيبها تغلي عالنار.
4. هنضيف ورق اللورى والفلفل الاسود و بصله متقشرة و الدجاجة و هنغطيها و نسيبها 10 دقايق
5. لو في رغاوى بيضاء على وش الماء هنشيلها بالمعلقه و نوطى عليها شوية و نسيبها نص ساعة.
6. هنشيل الدجاجة و نسيبها تبرد و بعدين هنفصصها و نشيلها فى طبق. و هنشيل بالمصفاه ورق اللورى و البصل من الشوربه.
7. هنحط 3 معالق زيت فى حله على نار هاديه مع الشعرية و هنقلبها فيها لحد ماتتحمر حوالى 10 دقائق. و بعدين هنضيف الشوربه عليها. هنسيبها لحد ماتغلي بعدين هنوطى النار عليها ونحط عصير الليمون. هنسيبها 20 دقيقه.
8. قطع البصل والفلفل شرايح صغيرة . و هنصفى الذرة الحلوة و نشطفها بميه هاديه.
9. هنحط 3 معالق زيت فى الطاسة الغويطة و هنحطه عالنار يسخن دقيقه. هنضيف البصل و نقلبه 3 دقايق بعدين هنضيف الفلفل 3 دقايق كمان و هنحط عليهم القرفه, و نص معلقه ملح صغيرة و رشة فلفل.
10. هنضيف الدجاج و نقلبهم و نسيبهم 3 دقايق وبعدها نرفعهم من على النار
11. هنضيف الدجاج والفلفل والبصل والذرة على الشعرية. كده تمام.. بالهنا و الشفا