كوكيز الشوفان والموز

حلويات صحية وسريعة التحضير

الوقت :

وقت التحضير : 10 دقائق

وقت الطهي : 15 دقيقة

الوقت الكلى : 25 دقيقة

عدد الاشخاص :4
الادوات المستخدمه :

خلاط

صينية

ورق زبدة

المقادير

• 2 عدد موز
• 1 معلقة صغيرة باكينج بودر
• 1 معلقة كبيرة زبدة
• 1 كوب شوفان
• 1 عدد بيضة (طازجة)
• 1 معلقة كبيرة عسل نحل
• 1 معلقة صغيرة قرفة
• 1 كوب قطع شيكولاتة

الخطوات

1. هنسخن الفرن على درجة حرارة 180(او 160 لو فرن بمروحة).
2. هنسيح الزبدة على نار هادئة.
3. هنخلط كل المكونات ما عدا الشيكولاتة فى الخلاط او الفوود بروسيسور.
4. هنحاول نوصل لعجينة متماسكة(بس مش محجرة), لو كانت سائلة ممكن نزود شوفان, ولو صلبة ممكن نزود موز او عسل.
5. هنضيف قطع الشيكولاتة.
6. هنشكلها على شكل كوكيز صغيرة ونحطها على ورق زبدة ثم توضع فى الفرن عند درجة حرارة 180 لمدة ربع ساعة ثم تترك حتى تهدأ ثم تقدم بالهنا والشفا.