قمر الدين

ايوة تقدروا تعملوا قمر الدين في البيت..مبقاش في داعي تشتروه من برة جاهز أو تجيبوا اللفة بتاعت كل سنة

الوقت :

وقت التحضير : 15 دقيقة

وقت الطهي : 30 دقيقة

الوقت الكلى : 45 دقيقة

عدد الاشخاص :12
الادوات المستخدمه :

حلة

مضرب يد

مصفاة

المقادير

• 5 كيلو مشمش
• 2 لتر ماء
• ½ كيس سكر

الخطوات

1. نغسل المشمش و نشيل منه البدر (النواة)
2. هنضيفة في حلة كبيرة و نملا نصفها ماء(أو 2 لتر ماء) و نرفعها على نار متوسطة و بعدها نضيف السكر و نسيب الحلة على النار لحد ما المشمش يستوي(يتهري)..حوالي 15 دقيقة
3. هنطفي عليه النار و نسيبه يبرد..و بعدين نضربه بمضرب اليد لحد ما يتحول لشراب
4. نصفيه بمصفى سلك فتحاتها ضيقة و نحفظه في الثلاجة عشان نقدمه كشراب ساقع. و نظرا لان الكمية المستخدمة كبيرة فا ممكن نخزنه في الفريزر و نستخدمه عند الحاجة