صوص التوت

صوص التوت ممكن نستعمله كإضافة للكيك والشيز كيك وحلويات كتير تانية

الوقت :

وقت التحضير : 30 دقيقة

وقت الطهي : 30 دقيقة

الوقت الكلى : 1 ساعة

عدد الاشخاص :4
الادوات المستخدمه :

معلقة خشب

حلة

سكين

مصفاة

المقادير

• 1 كوب ماء
• 1 كيلو توت (أحمر سليم توت)
• 1 كوب سكر
• 1 عدد ليمونة (معصورة)

الخطوات

1. هنغسل التوت فى مصفاه من غير ما نفتح الماء جامد عليه . و نشيل منه اي توت مش سليم و نقطع العروق الخضرا بالسكينه.
2. نحط الماء و السكر و الليمون في الحلة و نسيبهم يغلو ربع ساعة و نقلبهم من وقت للتانى. هيبقي شربات متوسط السُمك و بيغلي.
3. هنضيف التوت على الشربات و هو عالنار و نخًفض النار و نغطى الحلة ربع ساعة. نحاول نحرك الخليط بتحريك الحلة نفسها مش بالمعلقة علشان يحتفظ بشكله.
4. نسيبه يبرد من غير غطا و بعد كده ننقله فى برطمنات حفظ ونشيله فى الثلاجه