صوص البشاميل

صوص الباشميل ممكن نستخدمه مع وصفات كتير زى المكرونة وطواجن اللحمة والدجاج.

الوقت :

وقت التحضير : 5 دقائق

وقت الطهي : 25 دقيقة

الوقت الكلى : 30 دقيقة

عدد الاشخاص :1
الادوات المستخدمه :

حلة

معلقة خشب

المقادير

• 4 معلقة كبيرة دقيق
• 4 معلقة كبيرة زبدة (مكعبات)
• 2 معلقة كبيرة زعتر (فريش)
• 2 عدد ورق لورا
• 1 عدد بصلة (مقطعة لقطع كبيرة)
• 1 لتر لبن كامل الدسم
• 1 عدد حباية جزر (مقطعة لقطع كبيرة)
• 1 معلقة صغيرة ملح
• ½ معلقة صغيرة حباية جوزة الطيب (مبشورة)

الخطوات

1. فى حلة على النار هنضيف اللبن والجزر والبصل واللورا والزعتر ونسيبه يغلى وبعدين نصفيه من المكونات ونسيبه يبرد.
2. فى حلة على النار هنسيح الزبدة ونضيف الدقيق ونقلب كويس لحد ما الخليط يتجانس.
3. هنضيف اللبن تدريجيا على الزبدة والدقيق ونقلب كويس وبسرعة لحد ما قوام الصوص يتماسك ويبدأ يغلى وبكده يبقى الباشاميل جاهز