المطبخ الأمريكى
دجاج – كوردون بلو
وجبة أصلها أمريكي انتشرت في العالم كله و حبها معظم الناس. جالنا طلبات عليها كتيير و النهاردة بنقدمها بشكل مختلف
الوقت :
وقت التحضير : 30 دقيقة وقت الطهي : 40 دقيقة الوقت الكلى : 1 ساعة 10 دقائق عدد الاشخاص :4
الادوات المستخدمه :سكينة حامية صينية طاسة قلي طبق مسطح معلقة قلي
المقادير
- 4 عدد شرائح لحمة مدخنة (أو لانشون أو تركي مدخن)
- 4 عدد صدور دجاج مخلية
- 4 عدد شريحة جبنة شيدر (أو جبنة سويسري)
- 1 رشة فلفل اسود مطحون
- 1 عدد ليمونة
- 1 رشة ملح
- 1 كوب بقسماط مطحون
- 1 عدد بيضة
- 1 كوب دقيق
الخطوات
- هننضف صدور الدجاج من الزوائد الدهنية و نحطها في طبق مسطح و نضيف عليها الليمون و الملح و الفلفل و نقلب شرايح الدجاج على الجانبين
- بسكينة حامية هنفتح صدور الدجاج و هنحشي كل صدر بشريحة البيف المدخن و قطعة جبنة و نقفل عليها بالضغط على أطراف شريحة الدجاج
- نضيف الدقيق في طبق و البيض في طبق تاني و البقسماط في طبق تالت و بنبتدي نغطي صدور الدجاج في الدقيق(نغمسها في طبق الدقيق على الجانبين ) و بعدين نغطيها بالبيض (نغمسها في طبق البيض على الجانبين) و بعدين نغطيها بالبقسماط (نغمسها في طبق البقسماط على الجانبين) و ندخلها الفريزر لمدة نصف ساعة عشان تتماسك
- في طاسة القلي هنسخن الزيت على نار عالية عشان يبقي جاهز و بعدين نضيف صدور الدجاج المحشية و نخفض النار و قبل ما نشيلها من الزيت بدقيقة نعلي عليها النار عشان تقرمش
