المطبخ الشرقىالمطبخ المغربى
الكسكسى المغربى

طريقة عمل الكسكسى الحلو من المطبخ المغربى
الوقت :
وقت التحضير : 15 دقيقة وقت الطهي : 1 ساعة 40 دقيقة الوقت الكلى : 1 ساعة 55 دقيقة عدد الاشخاص :4
الادوات المستخدمه :حلة خلاط مصفاة
المقادير
- 2 ½ كوب ماء
- 2 كيلو دقيق
- 1 معلقة صغيرة ملح
- 1 معلقة كبيرة سكر
- 1 معلقة صغيرة خميرة
- ½ كيلو لبن كامل الدسم
الخطوات
- هندوب معلقة ملح فى 2 كوب ماء ومعلقة صغيرة خميرة ومعلقة كبيرة سكر فى نصف كوب ماء.
- هنضيف كوبين الماء المذاب فيهم الملح على الدقيق ونفركه كويس جدا وبعدين نضربه فى الخلاط.
- هنجيب حلة نملاها ماء وتوضع على نار عالية وهنثبت فوقيها مصفى.
- هنجيب قطعة قماش نظيفة ونلف فيها العجين كويس وتوضع فى المصفى لمدة نصف ساعة (حمام بخار).
- هنرفع العجين من على النار ونخرطه كويس بسكينة ونلفة فى القماشة تانى ويرجع فى المصفى على البخار لمدة ربع ساعة.
- بعد ربع ساعة هنكرر العملية, هنطلع العجين نخرطه تانى ويرجع فى المصفى لمدة ربع ساعة آخرى.
- هنرفع العجين من على النار وهنضيف عليه نصف كيلو لبن ساقع ويترك لمدة 3 دقائق.
- بعد كده هنضيف نصف كوب الماء الى دوبنا فيه الخميرة والسكر ونضرب المكونات فى الخلاط تانى.
- هناخد نصف كمية الخليط ونلفة فى القماشة تانى ويوضع فى المصفى على البخار لمدة 20 دقيقة.
- هنكرر العملية مع نصف كمية الخليط الباقية.
- هنضيف نصف كوب سمنة سايحة على الكسكسى ونقلبه كويس وبكده يبقى جاهز للتقديم.