القرص الفلاحي

طريقة القرص الفلاحي للفطار والشاي

الوقت :

وقت التحضير : 15 دقيقة

وقت الطهي : 1 ساعة

الوقت الكلى : 1 ساعة 15 دقيقة

عدد الاشخاص :4
الادوات المستخدمه :

قطعة قماش

المقادير

• 200 جرام سمن
• 2 معلقة كبيرة قشطة
• 2 معلقة كبيرة خميرة
• 1 معلقة صغيرة ملح
• 1 كيلو دقيق
• 1 معلقة كبيرة سكر
• ½ كيلو لبن رايب

الخطوات

1. نسخن السمن علي النار يسيح فقط من غير ما تقدح
2. نضيف الخميرة والملح والسكر علي الدقيق ونخلطهم مع بعض
3. نضيف السمن للدقيق ونخلط كويس بايدينا زي ما نبس الكحك
4. نضيف اللبن الرايب ونعجن كويس جدا لمدة 10 دقايق علشان تكون النتيجة افضل
5. نغطي العجين بقطعة قماش نظيفة و توضع في مكان دافي علشان تتخمر لمدة ساعة
6. نبدا نكور العجينة بالحجم اللي نفضله وبعدها نفرد كل كورة علي شكل دائرة ونخليها سميكة شوية
7. نسيب القرص ترتاح كمان نص ساعة وبعدين تخبز في فرن حار علي درجة حرارة 200
8. بعد ما تخرج من الفرن ترص فوق بعضها وتغطي بقطعة قماش علشان تفضل طرية وبالهنا والشفا