الحلوياتالمطبخ الشرقى

كنافة لايت بكريمة المانجو

الكنافة والريچيم دونت مكس… ده اللي هما بيقولوه… انما انا في #رمضان بحب #الكنافة وبحب #القطايف جدا، فسألت الوالدة انتي بتعملي الكنافة إزاي وحسبت فيها كام كالوري لاقيت ان القطعة الواحدة اللي يدوبك قد صوباعين فيها بالمستريح ٨٥٠ كالوري… فقولت لا لازم أشوف بديل لايت وبما اني بموت في المطبخ واختراعات الأكل وصلت للوصفة دي وجربتها وطعمها طلع يجنن ولايت جدا وفيها ١٣٠ كالوري بس للقطعة…

الوقت :

  • وقت التحضير : 15 دقيقة
  • وقت الطهي : 15 دقيقة
  • الوقت الكلى : 30 دقيقة
  • عدد الاشخاص :8
    الادوات المستخدمه :

  • كاسارولا
  • قوالب التارت
  • المقادير

    • 10 معلقة صغيرة عسل نحل
    • 2 ثمرة مانجة
    • 1 عدد ليمونة (معصورة)
    • ½ كيلو كنافة (آلي)
    • ¼ كيلو كريمة مخفوقة (لايت)
    • ¼ كوب فستق (مقشر ومفروم)

    الخطوات

    1. أول حاجة نعمل الشربات اللايت: نحط العسل عليه حوالي ربع كوباية مياه أو أقل ومعاه نص ليمونة معصورة في كسرولة على النار لحد ما يتعقد حوالي ٥ ل ٧ دقايق كده. ويتساب على جنب لحد ما يبرد.
    2. اني حاجة خبيز الكنافة: نحط حوالي ٢٠ جم كنافة في قوالب التارت الصغيرة "قطر ٥ سم" أو قوالب الكب كيك من غير ولا سمنة ولا سكر ولا زبدة ودخلتها الفرن لحد ما اتحمصت حبه ونطلعها وهي سخنة كده نرش عليها معلقة صغيرة من الشربات اللايت البارد اللي عملناه.
    3. الكريمة اللايت: نضرب الكريمة ومعاها المانجو "بس نكون مقشرينها ومقطعينها صغير" وشوية فستق بمضرب البيض على الهادي لحد ما تبدأ تمسك نفسها حوالي ٥ ل ٧ دقايق برضه… لو ضربت كتير ممكن تتحول منك لزبدة بالمانجة … بعد كده نشيلها في التلاجة لحد وقت الإستخدام.
    4. نذوق بقى أقراص الكنافة بالكريمة دي وعليها رشة فستق زي الصورة وبالهنا والشفا.
    الوسوم
    اظهر المزيد

    مقالات ذات صلة

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    إغلاق
    إغلاق