قطايف بالتمر

القطايف من الحلويات الشرقية التي يشتهر بها رمضان و لها اكثر من طريقة في الحشو هنعملها النهاردة بالتمر

الوقت :

وقت التحضير : 10 دقائق

وقت الطهي : 15 دقيقة

الوقت الكلى : 25 دقيقة

عدد الاشخاص :4
الادوات المستخدمه :

طبق غويط

معلقة قلي

طاسة قلي

المقادير

• 2 معلقة كبيرة زبدة
• 2 كوب زيت عباد شمس
• 1 كوب تمر (مخلي من النواة)
• 1 كوب لوز (او اي نوع اخر تفضليه من المكسرات)
• 1 كيلو قطايف

مقادير شربات السكر

• 1 كوب ماء
• 2 كوب سكر
• 2 معلقة صغيرة ماء زهر
• 2 معلقة صغيرة عصير ليمون

الخطوات

1. هنحضر شربات السكر

   1. فى حلة على النار هنضيف الماء والسكر ونقلبهم كويس لحد ما الماء يغلى ولمدة 10 دقائق.
   2. لو ظهرت على سطح الماء أى رغوة هنشيلها بالمعلقة.
   3. هنضيف عصير الليمون ونقلب كويس ويترك الخليط على النار حوالى 10 دقائق أو لحد ما الصوص يتقل وبعدين يرفع من على النار ويضاف ماء الزهر ويترك ليبرد

2. هنفرم البلح والمكسرات.
3. في طاسة على النار هنضيف الزبدة ونقلب فيها المكسرات المفرومة وبعدين نضيف البلح المفروم ونقلب لمدة 3 أو أربع دقائق على نار هادية.
4. هنرفع الحشو من على النار ونحشى به القطايف وتغلق جيدا.
5. تحمر القطايف في زيت مغلى حتى تأخذ اللون الذهبي، وبعدين ترفع وتوضع في الشربات، وتقلب فيه ثم تنشل.
6. رصي القطائف في طبق التقديم ورشي عليها ببعض المكسرات المتبقية وبالهنا والشفا.