الشوربةالمطبخ الأوروبىالمطبخ الفرنسي
شوربة البصل

شوربة البصل اللذيذة على الطريقة الفرنسية
الوقت :
وقت التحضير : 5 دقائق وقت الطهي : 20 دقيقة الوقت الكلى : 25 دقيقة عدد الاشخاص :4
الادوات المستخدمه :حلة معلقة خشب
المقادير
- 3 كوب مرق الدجاج
- 3 كوب بصل (مقطع شرائح)
- 2 معلقة كبيرة زيت زيتون
- 1 ½ معلقة كبيرة دقيق
- 1 معلقة كبيرة زبدة
- 1 عدد فص ثوم (مفروم أو مقطع شرائح)
- 1 رشة جوزة الطيب (مبشورة)
- 1 معلقة صغيرة ملح
- 1 معلقة صغيرة فلفل اسود مطحون
- ¼ كوب جبنة بارميزان (مبشورة)
الخطوات
- فى حلة على النار هنضيف الزبدة وزيت الزيتون وبعد ما الزبدة تسيح هنضيف البصل والثوم وعليهم الملح والفلفل ونقلب كويس.
- هنضيف الدقيق بالتدريج ونقلب كويس ومهم جدا البصل يدبل بس ميتحرقش.
- هنضيف المرقة ونقلب كويس ونوطى النار ونسيب الشوربة تستوى حوالى ربع ساعة.
- هنصب الشوربة فى أطباق التقديم ونرش على الوجه جبنة البارميزان المبشورة.