الشوربة
شوربة البروكلي بالشوفان

من ألذ أنواع الشوربات بالاضافة الي انها غنية بالقيم الغذائية
الوقت :
وقت التحضير : 10 دقائق وقت الطهي : 45 دقيقة الوقت الكلى : 55 دقيقة عدد الاشخاص :4
الادوات المستخدمه :حلة خلاط طبق غويط
المقادير
- 4 كوب مرق الخضار
- 3 عدد بروكلى (مفروم)
- 2 معلقة كبيرة أوراق الكرفس (مفروم)
- 2 عدد فص ثوم مهروس
- 1 معلقة كبيرة زيت ذرة
- 1 معلقة كبيرة عصير ليمون
- 1 معلقة صغيرة ملح
- 1 كوب شوفان
- 1 عدد بصلة مفرومة
- 1 معلقة صغيرة فلفل اسود مطحون
الخطوات
- فى حلة على النار هنضيف الزيت والبصل والكرفس والثوم والملح.
- هنغطى الحلة ونسيب الخليط على نار متوسطة حوالى 10 دقائق.
- هنضيف المرقة والبروكلى للحلة ونغطيها ونسيبها تغلى 5 دقائق.
- هنضيف الشوفان ونسيب الشوربة تغلى كمان 10 دقائق.
- هنرفع الحلة من على النار بعد ما نتأكد ان البروكلى بقى طرى, وهنضيف عصير الليمون والفلفل الاسود ونقلب كويس.
- هنضرب الشوربة فى الخلاط لحد ما نحصل على مزيج ناعم ومتجانس ونصبها فى طبق التقديم .. بالهنا والشفا.