خبز الفوكاشيا الإيطالى

مخبوزات لذيذه جدا من المطبخ الإيطالي بتتاكل جنب سلطات او كمقبلات.

الوقت :

وقت التحضير : 2 ساعتين 15 دقيقة

وقت الطهي : 20 دقيقة

الوقت الكلى : 2 ساعتين 35 دقيقة

عدد الاشخاص :4
الادوات المستخدمه :

وعاء زجاجي كبير

نشابة

المقادير

• 1 ½ كوب ماء (دافىء)
• 1 ½ معلقة صغيرة ملح
• 1 معلقة صغيرة خميرة (فورية)
• 1 معلقة صغيرة سكر
• 1 معلقة كبيرة روزمارى (طازج ومقطع)
• 1 معلقة كبيرة زيتون (مقطع شرائح)
• ½ كوب زيت زيتون
• ½ كيلو دقيق

الخطوات

1. نخلط جميع المكونات الجافه و نضيف زيت الزيتون و الروز ماري و الزيتون الشرائح, و نعجنهم بالماء الدافئ. المهم نضيف الماء بالتدريج ومش شرط نستخدم الكمية كلها, هنضيف الماء لحد ما قوام العجين يتماسك.
2. هنغطى العجينة ونسيبها تخمر لمدة ساعة.
3. هنفرد العجينة كويس بالنشابة ونحطها فى صينية مدهونة بزيت الزيتون ونسيبها تخمر كمان ساعة
4. هنضغط على العجينة بصباعنا فى أماكن متفرقة على مسافات متساوية.
5. هنسخن الفرن لدرجة حرارة 200 مئوية وهنخبز العجين من 15 ل 20 دقيقة وبعدها تصبح جاهزة للتقديم.. بالهنا والشفا.