تارت عين الجمل بالكراميل و صوص الشيكولاته

قطع تارت عين الجمل بالكراميل متغطية بصوص الشيكولاتة و سكر البودرة

الوقت :

وقت التحضير : 15 دقيقة

وقت الطهي : 20 دقيقة

الوقت الكلى : 35 دقيقة

عدد الاشخاص :6
الادوات المستخدمه :

معلقة

طبق غويط

كوب

صينية

مضرب يد

قوالب التارت

المقادير

• 2 كوب دقيق
• 2 كوب عين جمل
• 1 كوب سكر (للعجين)
• 1 كوب كريمة لبّاني
• 1 كوب زبدة
• 1 معلقة صغيرة فانيليا
• 1 كوب عسل نحل
• 1 كوب سكر (للكراميل)
• 1 كوب سكر بودرة

مقادير صوص الشيكولاته

• 1 كوب سكر
• 1 كوب لبن كامل الدسم
• 1 كوب زيت ذرة
• 1 كوب كاكاو

الخطوات

1. نسخن الفرن على درجة حرارة 180
2. في وعاء غويط هنضرب الزبدة و السكر بمضرب اليد لحد ما يتحول كريمة
3. نضيف البيض و الفانيليا و نستمر في الضرب
4. و بالتدريج نضيف الدقيق و نعجنه لحد ما يتحول لعجين
5. ندهن قوالب التارت بالزيت و نفرد العجين فيها بحيث ياخد شكل القالب و بعدين هنثقب العجين بالشوكة علشان ميرتفعش أثناء الخبز
6. نبدأ في عمل الكراميل..هنسخن حلة على نار عالية و بعدها نضيف عليه السكر و نسيبه يدوب تماما و يتغير لونه للون الذهبي بعدها نشيله من عل النار
7. هنضيف الكريمة و العسل و نقلبهم كويس
8. نضيف عليهم عين الجمل و نقلبهم و بعدين نسيب الخليط يبرد
9. نصب خليط الكراميل و عين الجمل في قوالب التارت و بعدين ندخلها الفرن لحد ما تستوي.. حوالي 20 دقيقة
10. بعد ما تطلع من الفرن هنسيبها تبرد. كده تمام..بالهنا و الشفا

11. نبدأ في صوص الشيكولاته

    1. في وعاء أو في الخلاط اضرب كل المقادير جيدا للحصول على صوص الشيكولاته

12. بعد ما تطلع من الفرن هنسيبها تبرد و نضيف عليها خيوط رفيعة من صوص الشيكولاته مع رشة من سكر البودره