الحلويات
البتى فور

وصفة مجربة ولذيذة لعمل البتى فور فى المنزل
الوقت :
وقت التحضير : 20 ساعة وقت الطهي : 15 دقيقة الوقت الكلى : 20 ساعة 15 دقيقة عدد الاشخاص :5
الادوات المستخدمه :وعاء زجاجي كبير مكبس كريمة مضرب يد
المقادير
- 8 عدد بيضة
- 2 معلقة كبيرة كاكاو (خام)
- 1 كيلو دقيق
- 1 كيس فانيليا
- 1 كيس باكينج بودر
- ¾ كيلو زبدة
- ¼ كيلو سكر بودرة
الخطوات
- فى بولة كبيرة هنضرب الزبدة كويس أوى بمضرب كهربائى مع إضافة السكر بالتدريج
- فى بولة تانية هنضرب البيض مع الفانيليا كويس جدا وبعدين هنضيفهم للخليط السابق ونقلبهم كويس
- هنقلب الدقيق مع الباكينج بودر كويس والأفضل ننخلهم
- هنقسم خليط البيض والزبدة نصفين وهنقسم الدقيق نصفين
- هناخد نصف كمية الدقيق ونضيفها بالتدريج لنصف كمية خليط الزبدة والبيض ونعجنهم كويس لحد ما قوام العجينة يتماسك.
- أما النصف الباقى من الدقيق هنضيف عليه بودرة الكاكاو ونقلبهم كويس وبعدين نضيفهم بالتدريج لباقى كمية خليط الزبدة والبيض ونعجنهم لحد ما العجينة تتماسك.
- بعد كده هنستخدم قمع بطرف مشرشر ونشكل كل العجين على شكل وردات
- هندخل وردات البتى فور الفرن على درجة حرارة 180 درجة لمدة ربع ساعة.
- بعد كده باستخدام المربى هنلصق واحدة من قطع البتى فور الأبيض مع واحدة من قطع البتى فور بالكاكاو وممكن كمان نزينهم بصوص الشيكولاته وجوز الهند المبشور.. بالهنا والشفا