الحلوياتالمطبخ الأمريكىالمطبخ المكسيكىمطبخ المبتدئينوجبات سريعة
اصابع القرفة بالسكر – تشوروز

حلوى التشوروز من المطبخ المكسيكي
الوقت :
وقت التحضير : 10 دقائق وقت الطهي : 10 دقائق الوقت الكلى : 20 دقيقة عدد الاشخاص :4
الادوات المستخدمه :طاسة غويطة معلقة خشب حلة معلقة قلي طبق مسطح مكبس كريمة سكين
المقادير
- 2 معلقة كبيرة سكر
- 2 معلقة كبيرة زيت ذرة
- 1 كوب سكر
- 1 كوب ماء
- 1 معلقة صغيرة قرفة
- 1 كوب دقيق
- 1 معلقة صغيرة ملح
الخطوات
- في طاسة غويطة هنضيف كوب ماء و معلقة سكر كبيرة و نصف معلقة ملح ضغيرة و معلقة زيت ذرة.
- بمعلقة خشب هنقلّب و نسيب الماء يغلي.
- اول ما تغلي هنرفع الطاسة من على النار.
- نضيف عليها الدقيق و نقلّبهم كويس حوالي 30 ثانية.
- نسيب الخليط يبرد شوية.
- في حلة كبيرة نضيف الزيت و نسيبه يسخن.
- على ما الزيت يسخن نجهز الخليط بتاعنا في مكبس الكريمة.
- اول ما الزيت يسخن نبدأ بالراحة نّنزل الخليط في الزيت بالمكبس و نفصله بالسكين عند الطول المناسب.. و نكرر العملية
- نقلي الأصابع لحد ما يتحول لونها الي اللون الذهبي
- بعد ما نرفعهم من على النار نحطهم على مناديل مطبخ لامتصاص الزيت.
- في طبق مسطح هنضيف نصف كوب سكر و معلقة قرفة صغيرة و نخلطهم كويس
- نلّف كل صباع في الطبق لحد ما يتغطى كله بالقرفة و السكر. جاهز للتقديم