أكلة السوبيا

اشتهرت في مصر أكلة السوبيا و بالذات من محلات الرحماني و عشان كده جبتلكم الوصفة من هناك على طول

الوقت :

وقت التحضير : 5 دقائق

وقت الطهي : 10 دقائق

الوقت الكلى : 15 دقيقة

عدد الاشخاص :5
الادوات المستخدمه :

معلقة خشب

حلة

مضرب يد

وعاء زجاجي صغير

المقادير

• 3 كوب ماء
• 2 معلقة كبيرة جوزهند
• 2 كوب زبادي
• 2 كوب لبن كامل الدسم
• 1 ½ معلقة صغيرة ملح ليمون
• 1 كيس فانيليا
• 1 كوب أرز عادى

الخطوات

1. في حلة هنضيف الأرز و فوقيه ماء مغطيه بشوية بسيطة و هنسلقه على النار لحد ما يتهري
2. هنضيف عليه الزبادي و السكر و اللبن و ملح الليمون و هنقلبهم كويس و نسيب الخليط يبرد
3. بعد ما يبرد الخليط هنضربه بمضرب اليد لحد ما يبقى قوامه سميك
4. هنحط الحلة على النار و نضيف الفانيليا مع الاستمرار في التقليب عشان ما تلزقش و نسيبها لحد ما تغلي مرتين
5. هنوزعها في وعاءات التقديم و نسيبها تبرد و بعدين ندخلها الثلاجة عشان تتقدم ساقعة.