المطبخ الأوروبىالمطبخ الإيطالىالمعجنات
نجرسكو بالدجاج
طريقة عمل النجرسكو بالدجاج من المطبخ الإيطالى
الوقت :
وقت التحضير : 15 دقيقة وقت الطهي : 55 دقيقة الوقت الكلى : 1 ساعة 10 دقائق عدد الاشخاص :6
الادوات المستخدمه :معلقة خشب حلة صينية بايركس وعاء زجاجي كبير مضرب يد
المقادير
- 400 جرام مكرونة (بينى أو أصابع – مسلوقة)
- 4 عدد صدور دجاج مخلية
- 4 عدد حبهان
- 4 عدد حبيبات فلفل أسود كاملة
- 2 عدد ورق لورا
- 2 كوب جبنة موزريلا (مبشورة)
- 1 كوب لبن كامل الدسم
- 1 عدد بصلة (متوسطة مقطعة أرباع)
- 1 كوب كريمة لبّاني
- 1 معلقة صغيرة ملح
- ½ كوب جبنة شيدر (مبشورة)
- ½ كوب زيتون اسود (مقطع شرائح)
- ¼ كوب دقيق
الخطوات
- فى حلة على نار متوسطة هنضيف ماء وهنضيف الدجاج والبصل والحبهان والملح والفلفل وورق اللورا ويترك حوالى 40 دقيقة لينضج.
- هنرفع الدجاج من المرقة وهنصفى المرقة وتترك جانبا.
- هنقطع الدجاج لمكعبات صغيرة ويترك جانبا.
- فى حلة هنضيف الحليب والكريمة والدقيق و كوبين من مرقة الدجاج وهنقلبهم كويس جدا.
- هنحط الحلة على النار وهنقلب الخليط بمعلقة خشبية لحد ما يغلى والصوص يتقل.
- هنسخن الفرن على درجة حرارة 180 مئوية.
- هنضيف ثلث كمية الصوص على المكرونة ونقلب كويس.
- هنجيب صينية بايركس عميقة متوسطة وهنضيف نصف كمية المكرونة وعليها هنضيف نصف كمية الجبنة الموزاريلا والشيدر ونصف كمية الزيتون.
- هنضيف باقى كمية المكرونة وهنصب عليها باقى كمية الصوص وعلى الوجه هنضيف باقى كمية الجبنة والزيتون.
- تدخل الفرن لمدة 15 دقيقة حتى يحمر الوجه وتقدم ساخنة..بالهنا والشفا.
