ناجتس بجبنة البارميزان

بخطوات بسيطة احصلي على ناجتس الدجاج بجبن البارميزان الشهية التى يعشقها الاطفال قبل الكبار

الوقت :

وقت التحضير : 10 دقائق

وقت الطهي : 20 دقيقة

الوقت الكلى : 30 دقيقة

عدد الاشخاص :2
الادوات المستخدمه :

طاسة

ملقاط طعام

خلاط

طبق غويط

مضرب يد

المقادير

• 2 كوب زيت قلي
• 2 عدد صدور دجاج مخلية (مقطعة مكعبات)
• 2 عدد بيضة (مخفوقة)
• 1 معلقة صغيرة ملح (أو حسب الرغبة)
• 1 معلقة صغيرة فلفل اسود مطحون (أو حسب الحاجة)
• 1 كوب جبنة بارميزان
• 1 معلقة صغيرة بصلة مفرومة
• 1 كوب بقسماط مطحون
• 1 كوب دقيق

الخطوات

1. هنضرب مكعبات الدجاج فى الخلاط لحد ما نحصل على قوام ناعم.
2. فى بولة هنضيف الدجاج و نضيف عليه البصل والملح والفلفل ونقلب كويس جدا.
3. فى بولة تانية هنخلط الجبنة البارميزان مع البقسماط.
4. هنشكل عجينة الدجاج على شكل كرات صغيرة وهنحطها فى الدقيق وبعدين فى البيض المخفوق وبعدين فى خليط البقسماط والبارميزان, وبعد كده هنضغط على قطعة باليد بحيث تبقى مسطحة قليلا و هندخل قطع الناجتس الثلاجة حوالى نصف ساعة علشان البقسماط ميفكش مع القى.
5. فى طاسة غويطة على النار هنسخن زيت غزير وهنقلى الناجتس لحد ما تتحول للون الذهبى.
6. تقدم ساخنة مع صلصة الباربيكيو و الكاتشاب.. بالهنا والشفا.