أكلات مصريةالخضرواتالمطبخ الشرقىالنشويات
محشى فلفل ألوان
لو عندك عزومة و هتعملي محشي جدديها بمحشي الفلفل الملون
الوقت :
وقت التحضير : 20 دقيقة وقت الطهي : 30 دقيقة الوقت الكلى : 50 دقيقة عدد الاشخاص :6
الادوات المستخدمه :طاسة حلة معلقة سكينة حامية
المقادير
- 12 عدد فلفل أخضر حلو (و أصفر و أحمر)
- 2 عدد طماطم (مفرومة)
- 2 كوب مرق اللحم
- 2 معلقة كبيرة زيت زيتون
- 1 ½ كوب ماء
- 1 ½ كوب أرز عادى
- 1 عدد بصلة مفرومة
- 1 معلقة صغيرة فلفل أحمر مطحون (حار)
- 1 معلقة صغيرة كزبرة خضراء
- 1 عدد فص ثوم مهروس
- 1 معلقة صغيرة نعناع
- 1 معلقة صغيرة ملح (او حسب الرغبة)
- 1 معلقة كبيرة بقدونس طازج (مفروم)
الخطوات
- فى حلة على النار هنضيف الزيت ونقلب فيه البصل والثوم لحد ما يدبلوا وبعدين نضيف الطماطم ونقلب كويس.
- هنضيف الأرز والخضار والتوابل والأعشاب ونقلب كويس.
- هنضيف نصف كوب من المرقة ونستمر فى التقليب, وهنضيف باقى المرقة بالتدريج لحد ما الأرز يستوى نصف تسوية وبعدين نرفعه من على النار.
- هنقطع رأس حبات الفلفل الملونة ونشيل منها البذور او اللب، وهنحشيها بخليط الأرز.
- فى حلة هنرص حبات الفلفل و نضيف ماء بحيث يغطى ثلاثة أرباع الفلفل.
- نرفع الحلة على نار متوسطة لمدة ربع ساعة لحد ما الأرز يستوى كويس وبكده يبقى جاهز للتقديم.. بالهنا والشفا.
