المطبخ الأوروبىالمطبخ الفرنسيالمعجنات

كريب

الكريب من أكلات المطبخ الفرنسى وممكن نعمله حلو أو حادق, العجينة هى هى والى بيفرق بس الحشو..

الوقت :

  • وقت التحضير : 1 ساعة 5 دقائق
  • وقت الطهي : 5 دقائق
  • الوقت الكلى : 1 ساعة 10 دقائق
  • عدد الاشخاص :4
    الادوات المستخدمه :

  • طاسة
  • مضرب يد
  • وعاء زجاجي كبير
  • المقادير

    • 4 عدد بيضة
    • 3 كوب لبن كامل الدسم
    • 2 كوب دقيق
    • 1 ½ معلقة صغيرة سكر
    • 1 معلقة صغيرة ملح (ممسوحة)
    • ½ كوب زبدة (سايحة)
    • ½ معلقة صغيرة فانيليا

    الخطوات

    1. فى بولة كبيرة هنضيف البيض والفانيليا والسكر والملح ونضربهم كويس جدا بمضرب بيض.
    2. هنضيف اللبن وخليط البيض على الدقيق فى بولة ونخلطهم بالمضرب بسرعة علشان متتكونش كتل فى الخليط.
    3. هنضيف الزبدة السايحة ونقلب كويس جدا وبعد كده هنغطى البولة بورق نايلون ونسيبها فى الثلاجة لمدة ساعة.
    4. هنجيب طاسة مسطحة كبيرة وبالكبشة هنحط العجين فى الطاسة ونحركها على الجنبين علشان العجينة تملى قاعدة الطاسة كلها.
    5. هنسوى الكريب 40 ثانية وبعدين نقلبه على الوش التانى كمان 20 ثانية وبعدها يبقى جاهز للتقديم.
    6. ممكن نقدم الكريب مع صوص الشيكولاتة أو العسل, أو ممكن نحشيه باللحمة المفرومة ونسويه فى الفرن مع صوص الباشميل.. بالهنا والشفا.
    الوسوم
    اظهر المزيد

    مقالات ذات صلة

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    إغلاق
    إغلاق