أكلات مصريةاللحومالمطبخ الشرقىمطبخ المبتدئين

فتة باللحم الضاني

العيد مايكملش من غير الفتة باللحم الضاني اتعلمي معنا طريقتها بشكل سهل و لذيذ

الوقت :

  • وقت التحضير : 10 دقائق
  • وقت الطهي : 30 دقيقة
  • الوقت الكلى : 40 دقيقة
  • عدد الاشخاص :4
    الادوات المستخدمه :

  • حلة
  • طبق غويط
  • المقادير

    • 12 عدد فص ثوم مهروس
    • 5 معلقة كبيرة سمن
    • 4 معلقة كبيرة صلصة طماطم
    • 3 معلقة كبيرة خل
    • 2 عدد رغيف عيش بلدى (او شامي مقطع مربعات)
    • 1 كيلو لحمة (ضاني بدون عظم، مقطع)
    • ½ كيلو أرز عادى (مطبوخ)

    مقادير الأرز الأبيض

    • 2 كوب أرز عادى
    • 2 كوب ماء
    • 1 معلقة كبيرة سمن
    • 1 معلقة صغيرة ملح (أو حسب الرغبة)

    الخطوات

    1. اول حاجة هنسوي الارز طريقة عمل الارز :

      1. هنغسل الرز بماء فاتر فى مصفاه
      2. فى حلة على النار هنضيف الماء ونسيبه يغلى
      3. هنضيف الرز والملح والسمن ونقلبهم تقليب خفيف.
      4. هنسيب الماء يغلى لحد ما يبقى الماء فى نفس مستوى الأرز.
      5. هنغطى الحلة بإحكام ونوطى النار مع وضع صفيحة تحت الحلة
      6. بعد 10 دقائق هنقلب مرة كمان تقليب خفيف.
      7. بعد 10 دقائق المفروض يكون الأرز استوى, للتأكد هناخد حباية رز ونهرسها ولو فيها جزء ناشف يبقى لسه مستواش.. بس كده

    2. بعد كده هنسلق اللحمة الضاني لمدة 30 دقيقة .
    3. بعد ما يستوي اللحم هنحمره في ملعقتين سمن لمدة ١٠ دقائق أو حتى يصبح لونه بنيًا، و نضعه جانبا.
    4. و بعدين نحمر مربعات الخبز في ملعقة سمن حتى يصبح بنيًا ومقرمشًا (دقيقتين) ثم ضعيه جانبا.
    5. و دلوقتي هنحمر نصف الثوم في ملعقة سمن لمدة دقيقتين ثم نضيف ملعقتين من الخل و ٣ ملاعق مرقة لحم واتركيه ٣ دقائق ثم احفظيه جانبا.
    6. لإعداد الصلصة : هنحمر باقي الثوم في ملعقة سمن ثم نضيف باقي الخل والصلصة وملعقة من مرقة اللحم.
    7. في طبق بايركس أو طبق تقديم،نضع مكعبات الخبز.
    8. هنصب عليه خليط الثوم بالخل و لابد من الحرص أن يمتص الخبرز الخليط جيدا.
    9. نضيف ١/٣ من الصلصة.
    10. و بعدين نغطي الخبز بالأرز و نصب فوقيه باقي الصلصة.
    11. و نقدمها مع قطع اللحم المحمرة مغطاه بقليل من الصلصة.
    الوسوم
    اظهر المزيد

    مقالات ذات صلة

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    إغلاق
    إغلاق