عدس بالملوخية

عدس بالملوخية من المطبخ المصرى ومن الوجبات الشهرية فى واحة سيوة.

الوقت :

وقت التحضير : 10 دقائق

وقت الطهي : 45 دقيقة

الوقت الكلى : 55 دقيقة

عدد الاشخاص :4
الادوات المستخدمه :

حلة

المقادير

• 4 كوب ماء (قابلة للزيادة)
• 3 معلقة كبيرة ملوخية (ناشفة)
• 2 عدد فص ثوم
• 2 معلقة كبيرة سمن
• 1 كوب عدس (أصفر)
• 1 معلقة صغيرة ملح

الخطوات

1. هنقشر الثوم وهنغسل العدس كويس وهنحطهم فى حلة على النار مع 4 اكواب ماء لحد ما الماء يغلى.
2. بعد ما المية تغلى بمعلقة هنشيل الريم الى بيتكون على وش المية لحد ما يختفى خالص و هنسيب العدس على نار عالية لمدة 10 دقائق.
3. هنغطى الحلة ونوطى النار ونسيبها نصف ساعة بس نتأكد من وجود ماء فى الحلة ولو مفيش هنزود كوب ماء.
4. بعد نصف ساعة المفروض يكون العدس داب تماما, هنقلبه ونهرسه كويس بمعلقة خشب ونهرس فصوص الثوم معاه.
5. هنضيف الملوخية والسمنة والملح ونقلب كويس جدا.
6. هنضيف ماء على الخليط مع التقليب لحد ما يتماسك وبكده يبقى جاهز للتقديم.