طاجن جمبرى

طريقة رائعة لعمل طاجن الجمبرى فى الفرن

الوقت :

وقت التحضير : 10 دقائق

وقت الطهي : 35 دقيقة

الوقت الكلى : 45 دقيقة

عدد الاشخاص :4
الادوات المستخدمه :

ورق فويل

طاجن فخار

المقادير

• 2 عدد طماطم (مفرومة)
• 2 عدد ليمونة (مقطعة شرائح)
• 2 عدد بصل أخضر (مفروم)
• 1 عدد فلفل أحمر حلو (مقطع مكعبات)
• 1 عدد فلفل أخضر حلو (مقطع مكعبات)
• 1 كوب كزبرة خضراء (مفرومة)
• 1 كيلو جمبرى (كبير الحجم)

مقادير صوص الكارى

• ¼ كوب خل بلسميك
• 2 معلقة كبيرة زبدة
• ¼ كوب زيت زيتون
• 2 كوب ماء
• 4 عدد فص ثوم (مفروم)
• 1 معلقة كبيرة كارى أصفر
• 1 معلقة صغيرة ملح
• 1 معلقة صغيرة فلفل اسود مطحون
• ¼ معلقة صغيرة شطة

الخطوات

1. هنسخن الفرن على درجة حرارة 180 مئوية
2. هنشق ضهر الجمبرى ونشيل العرق الأسود ونقشر الجمبرى ما عدا الذيل ونغسله كويس.
3. هنضيف الجمبرى للطاجن ونضيف عليه الفلفل والطماطم والبصل ونقلب كويس

4. هنحضر الصوص

   1. فى حلة على نار هادية هنضيف جميع المكونات ونقلبهم كويس.
   2. هنرفع الصوص من على النار أول ما يسخن بس المهم منسيبوش يغلى, ويستخدم حسب الحاجة.

5. هنضيف الصوص على الجمبرى ونقلب كويس.
6. على الوجه هنضيف الكزبرة وشرائح الليمون ونغطى الطاجن بورق الفويل.
7. هندخل الطاجن الفرن لمدة 30 دقيقة وبعدها هنخرجه ونشيل الفويل ويدخل تانى 5 دقائق علشان الوش يحمر وبالهنا والشفا.