صينية بطاطس بيوريه باللحمة المفرومة

وصفة سهلة و لذيذة محببة للاطفال و الكبار

الوقت :

وقت التحضير : 15 دقيقة

وقت الطهي : 30 دقيقة

الوقت الكلى : 45 دقيقة

عدد الاشخاص :6
الادوات المستخدمه :

طاسة

صينية بايركس

شوكة

المقادير

• 4 معلقة كبيرة زيت عباد شمس
• 3 عدد بيضة (طازجة)
• 2 عدد قرن فلفل حامى
• 2 كوب عصير طماطم
• 2 معلقة كبيرة زبدة
• 1 معلقة صغيرة ملح (أو حسب الرغبة)
• 1 عدد بصلة مفرومة
• 1 كيلو بطاطس
• ½ معلقة صغيرة بهارات
• ½ كيلو لحمة مفرومة
• ½ معلقة صغيرة فلفل اسود مطحون (أو حسب الرغبة)
• ¼ كوب جبنة رومي (مبشورة)

الخطوات

1. نسلق البطاطس فى حلة مضاف اليها الفلفل و الملح.
2. نهرس البطاطس حتي تصبح ناعمة.
3. نكسر البيض في طبق و نضع عليه الملح و الفلفل ثم نضعة على البطاطس ونقلبة جيدا حتى يمتزج تماما.
4. نحضر حلة و نضع بها قليل من الزيت و نضع فيها البصلة ونشوحها حتي تذبل.
5. نضع اللحمة و الملح و الفلفل و البهارات و نقلبها جيدا.
6. نضيف عصير الطماطم علي اللحمة و نتركها حتى تنضج و تتعصج.
7. نحضر صنية بيركس و ندهنها ثم نضع نصف كمية البطاطس ثم نضع العصاج و نقطع عليها الفلفل الحار ثم نضع باقى البطاطس و نضع قطع من الزبدة علي الوجه.
8. نسخن الفرن على درجة 180 و نضع الصنية و نتركها حتي يحمر الوجه.
9. نقطع البطاطس مربعات ونضعها في طبق التقديم و نجمل الطبق بالجبنة الرومى المبشورة و البقدونس و بالهنا و الشفا.