المطبخ الأسيوىالمطبخ الهندىمأكولات بحرية

سمك مشوى على الطريقة الهندية

سمك مشوى من المطبخ الهندى. الوصفة تنفع مع اى سمكة كبيرة من أنواع اللوت او القاروص او المرجان أو قشر البياض.

الوقت :

  • وقت التحضير : 15 دقيقة
  • وقت الطهي : 20 دقيقة
  • الوقت الكلى : 35 دقيقة
  • عدد الاشخاص :4
    الادوات المستخدمه :

  • صاجة فرن
  • سكينة حامية
  • وعاء زجاجي كبير
  • المقادير

    • 2 معلقة كبيرة عصير ليمون
    • 2 معلقة كبيرة زيت زيتون
    • 2 عدد كزبرة خضراء
    • 2 عدد فص ثوم
    • 2 عدد فص ثوم (مفروم)
    • 2 معلقة صغيرة زعتر (فريش مفروم)
    • 2 عدد زعتر (فريش عيدان)
    • 2 عدد بقدونس طازج
    • 1 معلقة صغيرة بابريكا
    • 1 عدد ليمونة (مقطعة شرائح)
    • 1 عدد سمكة كاملة (كيلو ونصف)
    • 1 معلقة صغيرة ملح
    • 1 عدد قرن فلفل حامى
    • 1 معلقة صغيرة كركم
    • ½ معلقة صغيرة بهارات سمك

    مقادير صوص حار للسمك المشوى

    • 2 معلقة كبيرة عصير ليمون
    • 2 عدد فص ثوم (مفروم)
    • 1 عدد قرن فلفل حامى (مقطع لقطع صغيرة)
    • 1 كوب كزبرة خضراء
    • 1 معلقة صغيرة كمون
    • ¼ كوب زيت زيتون

    الخطوات

    1. هنفتح السمكة من بطنها وننضفها كويس جدا وبالسكينة هنعمل فى السمكة شقوق طولية من الجنبين وندعكها كويس بالملح ونسيبها على جنب.
    2. فى بولة هنضيف معلقتين زيت الزيتون ومعلقتين عصير ليمون والزعتر والبابريكا و بهارات السمك و الثوم ونخلطهم كويس جدا
    3. بفرشة هندهن السمكة بالتتبيلة من الجنبين.
    4. هنحشى بطن السمكة بعيدان الكزبرة والزعتر والبقدونس وقرن فلفل حامى وفصين ثوم صحاح وشرائح الليمون.
    5. هنجيب صاجة شوى وندهنها بجزء من التتبيلة ونفرش الأرضية بعيدان كزبرة وزعتر ونضيف السمكة ولو متبقى جزء من التتبيلة هنضيفه على الوش.
    6. هندخل السمكة الفرن على درجة حرارة 180 لمدة ربع ساعة وبعدين نحطها 5 دقائق تحت الشواية
    7. هنحضر صوص للسمكة

      1. فى طاسة على النار هنخلط جميع المكونات.
      2. هنستمر فى التقليب لحد ما الخليط يتجانس وبكده يصبح جاهز للتقديم.

    8. بعد ما السمكة تخرج من الفرن هنضيف عليها الصوص وبالهنا والشفا.
    الوسوم
    اظهر المزيد

    مقالات ذات صلة

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    شاهد أيضاً

    إغلاق
    إغلاق
    إغلاق