سمك فيليه مشوى بصوص الزيتون

سمك فيليه مشوى بصوص الزيتون الأخضر من المطبخ الإيطالى

الوقت :

وقت التحضير : 5 دقائق

وقت الطهي : 15 دقيقة

الوقت الكلى : 20 دقيقة

عدد الاشخاص :4
الادوات المستخدمه :

صينية بايركس

جريل

المقادير

• 2 عدد فص ثوم (مفروم)
• 1 معلقة كبيرة عصير ليمون
• 1 معلقة صغيرة كمون
• 1 معلقة صغيرة فلفل اسود مطحون
• 1 معلقة صغيرة ملح
• ½ كيلو سمك فيليه

مقادير صوص الزيتون الأخضر

• 2 عدد طماطم (مقطعة قطع صغيرة ومقشرة ومنزوعة البذر)
• 2 عدد فص ثوم (مفروم)
• 2 معلقة كبيرة صلصة طماطم
• 2 معلقة كبيرة بقدونس طازج (مقطع قطع صغيرة)
• 1 معلقة صغيرة كزبرة جافة مطحونة
• 1 معلقة صغيرة ملح
• 1 عدد بصلة (مفرومة خشن أو مقطعة قطع صغيرة)
• 1 معلقة صغيرة فلفل اسود مطحون
• ½ كيلو زيتون أخضر (مقطع شرائح)
• ½ كوب ماء (ولو فى مرقة يكون أفضل)
• ¼ كوب زيت زيتون

الخطوات

1. هنحضر الصوص

   1. هنسخن الزيت فى طاسة على النار وهنقلب فيه البصل والثوم لحد ما يدبلوا.
   2. هنضيف الطماطم ونقلب كويس.
   3. هنضيف صلصة الطماطم ونقلب كويس.
   4. هنضيف شرائح الزيتون الأخضر ونقلب كويس.
   5. هنضيف الملح والفلفل والكزبرة والبقدونس ونقلب كويس وبعدين نضيف الماء علشان الصوص يتقل.
   6. هنقلبه على النار لمدة 3 دقائق وبكده يبقى جاهز للإستعمال.

2. هنتبل السمك الفيليه بمعلقة ملح ومعلقة فلفل ومعلقة كمون وعصير الليمون وفصين ثوم مفرومين.
3. هنسوى السمك نصف تسوية على الجريل.. حوالى دقيقتين لكل وجه.
4. فى صينية بايركس هنحط طبقة من الصوص وفوقيها السمك الفيليه وهنحط باقى الصوص فوق السمك.
5. هندخل الصينية الفرن على درجة حرارة 200 لمدة 10 دقائق وبالهنا والشفا..