الدجاج و الطيورالمطبخ الأوروبىالمطبخ اليونانى

دجاج محشى بالأرز

دجاج محشى بالأرز على الطريقة اليونانية

الوقت :

  • وقت التحضير : 15 دقيقة
  • وقت الطهي : 1 ساعة
  • الوقت الكلى : 1 ساعة 15 دقيقة
  • عدد الاشخاص :4
    الادوات المستخدمه :

  • صينية
  • حلة
  • المقادير

    • 10 عدد عيدان كرفس (مقطعة قطع صغيرة)
    • 4 عدد فص ثوم (مقطع شرائح)
    • 2 معلقة كبيرة كزبرة خضراء (مفرومة)
    • 2 معلقة صغيرة ملح
    • 1 كوب فلفل أصفر حلو (وفلفل أحمر وأخضر حلو)
    • 1 عدد دجاج (متنضفة كويس)
    • 1 معلقة صغيرة فلفل اسود مطحون
    • 1 معلقة كبيرة زبدة
    • 1 كوب أرز عادى (مسلوق نصف سوا)
    • 1 عدد بصلة (مفرومة)
    • 1 عدد بصلة (مقطعة قطع صغيرة)
    • 1 معلقة كبيرة زيت زيتون
    • ½ كوب زيتون أخضر (على اسود مقطعين شرائح)
    • ½ كوب مرق الدجاج (أو ماء مغلى مملح)

    الخطوات

    1. فى بولة كبيرة هنضيف البصلة المفرومة وعليها نصف معلقة ملح ونصف معلقة فلفل ونخلطهم كويس جدا.
    2. هنضيف الرز والزيتون والكزبرة والفلفل الألوان وزيت الزيتون ونقلب الخلطة كويس أوى.
    3. هنفصل جلد الفرخة عن لحمها بحرص علشان نقدر نحشى تحت الجلد وهنتبلها بباقى الملح والفلفل.
    4. هنبدأ نحشى بطن الفرخة بالخلطة وكمان هنحشى تحت الجلد اللى فوق منطقة الصدر كويس وبعدين هنكتف رجلين الفرخة مع بعض بورق فويل وهنكتف أجنحة الفرخة ورا ضهرها.
    5. هنحضر صينية وهنفرشها بقطع البصل والكرفس وشرائح الثوم وهنحط الفرخة فوقيهم.
    6. هنصب على الفرخة نصف كوب مرقة سخنة أو ماء مغلى عليه شوية ملح.
    7. هنغطى الصينية كويس بالفويل وهتدخل الفرن على درجة حرارة 180 لمدة 45 دقيقة.
    8. بعد كده هنشيل ورق الفويل ونضيف معلقة الزبدة على الفرخة ونسيبها فى الفرن ربع ساعة كمان تتحمر وبكده تبقى جاهزة للتقديم
    الوسوم
    اظهر المزيد

    مقالات ذات صلة

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    شاهد أيضاً

    إغلاق
    إغلاق
    إغلاق