دجاج بالكاجو

طريقة عمل الدجاج بالكاجو من المطبخ التايلاندى

الوقت :

وقت التحضير : 40 دقيقة

وقت الطهي : 15 دقيقة

الوقت الكلى : 55 دقيقة

عدد الاشخاص :4
الادوات المستخدمه :

طاسة غويطة

وعاء زجاجي كبير

المقادير

• 4 معلقة كبيرة صويا صوص
• 4 عدد فص ثوم
• 4 معلقة كبيرة دقيق
• 3 عدد حباية جزر
• 3 معلقة كبيرة أويستر صوص
• 2 عدد بصل أخضر
• 1 عدد فلفل أحمر حلو
• 1 معلقة صغيرة فلفل اسود مطحون
• 1 كيلو صدور دجاج مخلية
• 1 معلقة صغيرة سكر
• 1 عدد فلفل أصفر حلو
• 1 معلقة صغيرة ملح
• ⅛ كيلو كاجو

الخطوات

1. نقطع صدور الدجاج لشرائح صغيرة.
2. فى طبق غويط هنضيف شرائح الدجاج ونضيف عليها الصويا صوص ونص معلقة فلفل مطحون ونص معلقة ملح وبعدين الدقيق ونقلبها ونسيبها نص ساعة.
3. نقلب شرائح الدجاج فى الزيت على النار لحد ما يبقى لونها ذهبى. وبعدين نشيلها ونسيبها على جنب فى مصفاة أو على فوطة مطبخ علشان تصفى الزيت.
4. نقطع فصوص الثوم ترانشات , وهنقطع الفلفل الحلو و الجزر والبصل الأخضر لقطع صغيرة.
5. فى طاسة هنحط معلقة كبيرة زيت و نضيف ترانشات الثوم ونسيبها 3 دقائق وبعدين نضيف شرائح الدجاج المقلية والأويستر صوص والسكر وباقى الملح والفلفل المطحون ثم الكاجو ونقلبهم على النار لمدة 3-4 دقائق
6. نرفع المكونات من على النار ونضيف عليها قطع البصل الأخضر وتوضع فى طبق التقديم .