المطبخ الأوروبىالمطبخ الإيطالىالمعجنات

بيتزا سي فود (المأكولات البحرية)

عجينة البيتزا مع الصلصة الفريش و اضافات مختلفه, أحلى بيتزا بالمأكولات البحرية

الوقت :

  • وقت التحضير : 1 ساعة
  • وقت الطهي : 45 دقيقة
  • الوقت الكلى : 1 ساعة 45 دقيقة
  • عدد الاشخاص :4
    الادوات المستخدمه :

  • طاسة
  • صاجة فرن
  • سكينة حامية
  • نشابة
  • المقادير

    • 4 كوب دقيق
    • 3 عدد فص ثوم
    • 2 كوب ماء (دافى)
    • 2 معلقة صغيرة خميرة
    • 2 كيس جبنة موزريلا
    • 2 معلقة كبيرة سكر
    • 2 عدد فلفل أخضر حلو
    • 1 رشة ملح
    • 1 كيلو جمبرى (مقشر)
    • 1 حزمة زعتر
    • 1 كيلو طماطم (طرية)
    • 1 معلقة كبيرة زبدة (بيضاء)
    • 1 معلقة كبيرة زيت ذرة
    • 1 معلقة كبيرة عسل نحل
    • 1 معلقة صغيرة ملح
    • 1 رشة فلفل اسود مطحون

    الخطوات

    1. هندفى الفرن لمدة 10 دقايق و نقفله.
    2. هنجيب طبق غويط و نحط فيه الخميرة و العسل و نص كوب ماء دافى و نقلبهم و نغطيهم و نسبهم فى الفرن الدافى من 20 دقيقة لساعة.
    3. هنجيب طبق و نحط فيه الدقيق و السكر و نص معلقة ملح و الخميرة و نعجنهم و نزود ميا دافيه شوية شوية لحد ماتبقي العجينه ماسكه كويس. ممكن نحطها فى العجانه تلت ساعة او نعجنها بايدنا اكتر وقت ممكن. و بعدين نغطيها و نسبها فى الفرن الدافى نصف ساعة.
    4. هنقطع الفلفل الأخضر بالسكينه الحامية شرايح رفيعه جدا .
    5. هنجيب الطماطم و نقشرها و نقطعها صغير . و هنشيل ورق الزعتر من الأعواد.
    6. بعدين نجيب طاسه و نحط فيها معلقة الزيت و رشة ملح و رشة فلفل أسود و الطماطم و معلقة كبيرة من الزعتر. و نسبها على نار هاديه تلت ساعة.
    7. هنطلع العجينه من الفرن و نسخنه على درجة حرارة عالية. و نتأكد ان الشبكة فى النص أو أقرب للجزء السفلى من الفرن.
    8. هنطلع العجينه من الطبق و نفردها فى الصاج.لحد ماتبقى متساوية. الفرد لو صعب و بتشد معاك و ترجع صغيرة تانى ده دليل انها معجونه كويس. افردها ماتستسلمش.
    9. هنفرم فصوص الثوم ناعم و نحط الزبده فى الطاسة و معاها الثوم و رشة صغيرا ملح. اول مالزبده تسيح هنطفى عليها و نفردها على العجينه.
    10. هنحط الجمبري على العجينة و بعدين نرش الصلصة عليها.
    11. هنضيف الفلفل و بعدين الجبن الموتزاريلا المبشورة و نرش فوق معلقة كبيرة زعتر
    12. هنحطها فى الفرن نص ساعة و نتأكد ان وشها أحمر, وبكده تبقى جاهزة للتقديم.
    الوسوم
    اظهر المزيد

    مقالات ذات صلة

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    إغلاق
    إغلاق