المطبخ الأوروبىالنشوياتمأكولات بحرية
بطاطس محمرة مع السمك

فيش آند شيبس من أشهر الوجبات الإنجليزية
الوقت :
وقت التحضير : 30 دقيقة وقت الطهي : 30 دقيقة الوقت الكلى : 1 ساعة عدد الاشخاص :4
الادوات المستخدمه :شوكة طاسة غويطة وعاء زجاجي كبير ورق زبدة معلقة قلي وعاء
المقادير
- 4 كوب زيت ذرة
- 2 مكعب ثلج
- 1 معلقة صغيرة ملح
- 1 كيلو سمك فيليه (متقشر و مخلي)
- 1 رشة فلفل حامي مطحون
- 1 كوب دقيق
- 1 كيلو بطاطس (بقشرها)
- 1 كوب كلوب صودا (ساقع)
- 1 معلقة صغيرة باكينج بودر
الخطوات
- هنقطع البطاطس شرايح عريضة (عرض صباعين , سمك عادي و طول عادي)
- هنضيف البطاطس المقطعة في وعاء فيه ماء ساقع لمدة 30 دقيقة على الأقل (لنتيجة أفضل ممكن يتنقع من اليوم اللي قبله)
- هنقطع السمك لشرايح صغيرة..تقريبا بنفس حجم شرايح البطاطس أو أكبر شوية
- في وعاء كبير هنضيف الدقيق و الملح و الفلفل و الباكين بودر و الفلفل الحامي المطحون و نقلبهم بالشوكة كويس
- نضيف الكلوب صودا و نقلب كويس و بعدين نضيف مكعبات الثلج
- في طاسة تحمير هنسيب الزيت يسخن شوية
- نشيل البطاطس من وعاء الماء و ننشفهم كويس من الماء بمنشفة نظيفة و نضيفهم في الزيت لمدة دقيقتين و بعدين نطلعهم على ورق الزبدة عشان نصفي منهم الزيت
- نسيب الزيت على النار يسخن أكتر
- نرجع للوعاء اللي فيه الخليط نقلبه مرة كمان و نغمس فيه قطع السمك لحد ما تتغطى بالخليط تماما و بعدين ننزلها في الزيت السخن و نقليها من دقيقتين لـ 3 لحد ما قطع السمك تطلع على السطح و الخليط يبقى ذهبي غامق. بعديها نشيلها من عل نار و نسيبها على ورق الزبدة تصفي الزيت
- قبل ما الزيت يسخن أكتر هنضيف بسرعة البطاطس تاني حوالي دقيقة في الزيت لحد ما يبقى لونها ذهبي. نشيلها من على النار. نضيف الملح و نقدمها.. كده تمام..بالهنا و الشفا