المطبخ الأمريكىالمقبلاتالنشوياتمطبخ المبتدئين

بطاطس كروكيت بالجبنة

البطاطس الكروكيت من أحلى مقبلات المطبخ الأمريكى ودى طريقة عملها بأسهل وأضمن الطرق

الوقت :

  • وقت التحضير : 2 ساعتين
  • وقت الطهي : 15 دقيقة
  • الوقت الكلى : 2 ساعتين 15 دقيقة
  • عدد الاشخاص :4
    الادوات المستخدمه :

  • وعاء زجاجي كبير
  • طبق غويط
  • مضرب يد
  • المقادير

    • 4 عدد بطاطس (مسلوقة)
    • 2 معلقة صغيرة بودرة ثوم (أو بصل)
    • 1 عدد بيضة
    • 1 كوب بقسماط مطحون (عادى أو مبهر)
    • 1 عدد بيضة (بياض فقط)
    • 1 كوب دقيق
    • ½ معلقة صغيرة فلفل اسود مطحون
    • ½ كوب جبنة رومي (أو شيدر مبشورة)
    • ½ معلقة صغيرة ملح
    • ¼ كوب لبن كامل الدسم

    الخطوات

    1. هنقشر البطاطس ونهرسها كويس جدا فى بولة كبيرة
    2. هنضيف على البطاطس بياض البيضة والجبنة المبشورة وربع معلقة فلفل اسود وربع معلقة ملح ومعلقة صغيرة ثوم أو بصل بودر وممكن الاتنين.
    3. هنضرب المكونات كويس جدا بمضرب بيض لحد ما تبقى عجينة متماسكة ونعجنها على شكل كره وتدخل الثلاجة لمدة ساعة.
    4. هنحضر طبق فيه دقيق وطبق فيه بقسماط .
    5. هنحضر بولة فيها بيضة على ربع كوب لبن وعليهم باقى الملح والفلفل والثوم أو البصل البودر ونضربهم كويس بمضرب بيض.
    6. بعد كده هناخد من عجينة البطاطس قطعة صغيرة وهنشكلها على شكل كرة أو أصابع حسب الرغبة وهنحطها فى الدقيق الأول تاخد طبقة دقيق وبعدين نحطها فى خليط البيض و بعدين نغلفها بالبقسماط المطحون كويس ونحطها فى طبق فاضى.
    7. بعد ما ننتهى من تغليف البطاطس بالبقسماط هندخل الطبق الثلاجة لمدة نصف ساعة علشان البقسماط يمسك وميفكش مع القلى.
    8. بعد كده فى طاسة غويطة فيها زيت غزير ساخن هنقلى البطاطس لحد ما تتحول للون الذهبى وطبعا بعدها هنصفيها من الزيت وتصبح جاهزة للتقديم.
    الوسوم
    اظهر المزيد

    مقالات ذات صلة

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    شاهد أيضاً

    إغلاق
    إغلاق
    إغلاق