كيكة الشهدية و الخوخ كتجي رائعة بالصور

كيكة الشهدية و الخوخ كتجي رائعة بالصور

تحضير كيكة بالشهدية و الخوخ كاتجي رائعة

من الاخت : ماما مرموشة جزاها الله عنا كل خير
هادي طارت سهلا : تتوجد في 40 دقيقة على درجة حرارة 125 درجة
سمحوا لي مصورتش المراحل كولهوم

مقادير:

– 4 بيضات – 8 ملاعق زيت – 8 ملاعق حليب – 8 ملاعق طحين ما عامرينش ما ممسوحين – كاس سكر – 2 خميرة حمراء ديال 7g – أنا زت خميرة بيضاء vany – واحد خوخة – واحد شهدية

طريقة تحضير:

– نقشر الخوخ والشهدية ويقطع على شكل هلال
– نأخد مول لي تيتحل..يدهن بالزبدة ويرش بالطحين..ثم سنيدة..ونستفو فيه الخوخ والشهدية..
*الخليط تيكون مرخوف ماشي ثقيل

– نخلط المقادير بالتتالي..بحال الكيك العادي
– نصب خليط الكيك على على الخوخ والشهدية ويدخل للفرن

هى هي ملي خرجتها من الفرن

هى هي ملي قلبتها

*خديت القشور ديال الفاكهة ..ودرتهوم في كسرونة وغليتهوم مع شوية ديال الماء والسكر وسقيت بيها الكيك..هى هي الكيك المسقي