حلويات العيد مغربية

فقاص بالكاوكاو و المشماش بالصور

فقاص بالكاوكاو و المشماش بالصور

المقادير

3بيضات
كاس سنيدة
كاس زيت(ممكن نخلطو الزيت وزبدة ذائبة)
نص كاس ماء زهر
2معالق خل
معلقة نافع(ممكن حبة الحلاوة وزنجلان انا هيا لي كانت متوفرة)
نص كاس كاوكاو محمر ومقسوم (ممكن لوز)
نص كاس مشماش يابس مقطع(ممكن زبيب ولا فروي كونفي)
خمارة
فاني
دقيق حسب الخليط
رشة ملح

الطريقة

نخلطو البيض مع السكر والفاني مزيااان حتا يذوب السكر عاد نضيفو الزيت وماء الزهر والخل
عاد نزيدو حبة حلاوة وكاوكاو ومشماش ونجمعو الخليط بالدقيق ورشيشة ملح وخمارة الحلوة

فقاص ساهل وبنين بكاوكاو والمشماش 6jnwe8rr9teim1p5vnln

نقسمو العجينة علا 4 كويرات

فقاص ساهل وبنين بكاوكاو والمشماش wajjt5ne3r705gbd9xx.

نحربلو كويرات ونحطوهم فطاوة انا درتهم صغار ممكن لي تيبغي الفقاص كبير يدير غير 3 حرابل

فقاص ساهل وبنين بكاوكاو والمشماش df543ad3ftpb7zfv842o

ونحطوهم فالطاوة ونباعدو شوية بيناتهم ونبسطوهم بايدينا شوية
عاد ندهنوهم بصفار بيضة مع رشيشة نيسكافي وشوية الخل

فقاص ساهل وبنين بكاوكاو والمشماش natmlhh278c62sdvcsv.

وهنا السر فالطياااب دائما كنت نتبع كاع الخطوات وفالاخير تيتشق ليا وهنا عاد عرفت السبب ههه
خاص نديرو الفقاص ففران بااااارد حتا ندخلوه عاد نشعلو الفوق والتحت والحرارة تكون ناقصة انا درتو ف 140 درجة حيت فراني تيسخن بزاااف المهم علا حسب كل فراان باش ميتفكعش وحتا نحطو طاوة عاد نشعلو الفراان

ونا منين خرجتو من الفران كنت موجدة زيف مفزك ومعسر مزيااان حطيت فيه حريبلات تاع الفقاص وغطيت عليهم عاد غطيتهم بميكة وخليتهم حتا بردو علا خااااطرهم وبديت تنقطع فيهم وهنا ثاني سر اخر خاص الموس يكون ماضيي باش تنزلي نزلة وحدة ههه

فقاص ساهل وبنين بكاوكاو والمشماش bcuzb27lz3freucmwtr5

ونستفو فقاص فطاوة وندخلوه للفران يكون ثاني علا درجة متوسطة باش يتحمر ويتكرمل علا خاطرووو

فقاص ساهل وبنين بكاوكاو والمشماش b3b5v2ko0p50l0bdqrxs

وهاهوا فقاصنا خرج من الفران محمر ومكرمل وبنيين بريحة ماء الزهر ممم

فقاص ساهل وبنين بكاوكاو والمشماش r41cd2roiuy1z1rvpm3r

زيدو مرحبا مدو ايديكم

فقاص ساهل وبنين بكاوكاو والمشماش p24j0ijz6qhlch5t7wz2

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق