شهيوات رمضان مغربية

الذ و ارقى بسبوسة بالكريمة غادي تعجب الصغير و الكبير جربيها و ردي علينا الخبار

الذ و ارقى بسبوسة بالكريمة غادي تعجب الصغير و الكبير جربيها و ردي علينا الخبار

المقادير
المقادير ديال البسبوسة 

  • كاس سنيدة
  • كاس زيت
  • 4 د البيضات
  • واحد ياغورت
  • زوج كيسان ديال السميدة الرقيقة
  • زوج خمارات حمرين و وحدة فانية

كانجمعو المكونات و نقسمهن على زوج و عينكم ميزانك كاندهنو المول و نرشوه بالسميدة و نديرو طبقة لولة ديال البسبوسة الفوق و نخليوها تا طيب من لتحت و تنشف .

مقادير لكريمة

  • نص لتر ديال الحليب
  • تلاثة المعالق مايزينة و ثلاتة المعالق سنيدة (حسب الدوق )
  • زوج ياغورت بيرلي ولا دانون طبيعي
  •  زوج فرماجات
  • فانية

كانديرو الحليب بارد مع مايزينة و سنيدة باش مايكونوش تكثلات و نحركو ونحطو فوق البوطة مع التحريك المستمر حتى اعقاد و نطفيو عليه نزيدو ياغور و الفرماج و فانية و نحركو .
نزلو الكريمة فوق الطبقة ديال البسبوسة لي طابت و ندخلوها للفران تقريا 6 دقايق حتى تنشف ، و نخويو فوقها الطبقة لي سبق لينا و خليناها ديال البسبوسة نزيدو ليها شوية الحليب باش ماتبقاش عاقدة بزاف و ندخلوها للفران من لتحت على عافية مهيلة باش طيب من لداخل و تتحمر و نسقيوها بالسيرو ديال ليمون ، و التزيين حسب الرغبة و بالصحة و الراحة .

الوسوم
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق