كيك و طورطات

عشاق الشوكولا كيك بثلات طبقات كيحمق مذاق لا يقاوم و شكل كيحمر الوجه

عشاق الشوكولا كيك بثلات طبقات كيحمق مذاق لا يقاوم و شكل كيحمر الوجه

 

الطبقة الأولى ديال البسكوي :

3ابيض البيض كنطربوهم مع 60غ ديال السكر حتى يطلع مورانغ في إناء آخر كنخلط 60غ بودرة اللوز مع 60غ سكرصقيل و 40غ الدقيق أو مايزينة من كنضيفو هاد الخليط على المرانغ كنحركوه حتى يتجانس كنفرغوه ف المول ندخلها للفرن على180درجة 10دقايق نخرجوها نخليها تبرد نوجدو

الطبقة المقرمشة :

اللي فيها80غ فويتين 60 غ الشوكولا اسود 120 غ براليني كنذوب الشوكولا كنزيدها على البراليني نكبها على فويتين كنخلطهم مزيان نديرهم فوق

الطبقة ديال البسكوي الطبقة الثالثة :

ديال لاموس الشوكولا كندير 75غ السكر يذوب على النار مع 2 معالق كبار ديال الماء حتى نحصل على سيرو كنطرب 3 صفر البيض ونكنخوى السيرو حتى يطلع البيض يولي كريمي ف إناء آخر كنطلع 300غ كريمة حتى تولي شونتيي كنذوب 200غ شوكولا سوداء 50% نسبة كاكاو ف حمام مريم كنضيف الشوكولا على خليط البيض بعد ما بردت كنزيد عليهم الشونتيي ونا كنحرك مزيان حتى يتجانسو كنضيف لاموس على الطبقة الثانية كندخلها تبرد ف الثلاجة ليلة كاملة أو 6 ساعات على الأقل والتزيين درت بودرة الكاكاو بالصحة والراحة

الوسوم
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق